News News
Minimize Maximize
« Back

በሃገራችን የአግሮስቶን ምርቶችን ጥቅም ላይ ህብረተሰቡ ያለው ግንዛቤ አናሳ መሆኑ ተገለጸ

 በሃገራችን የአግሮስቶን ምርቶችን ጥቅም ላይ ህብረተሰቡ ያለው ግንዛቤ አናሳ መሆኑ ተገለጸ

 

የከተማ ልማትና ቤቶች ሚኒስቴር ከሁሉም ክልሎች ከተውጣጡ ባለሙያዎች ጋር ለመንግስት የቤት ልማት ፕሮጀክቶች የሚያገለግሉ የአግሮስቶን ምርት አቅርቦት፣ ፍላጎት፣ አጠቃቀም፣ ስርጭትና አስተዳደር ረቂቅ ጥናት ሰነድ ላይ ግንቦት 25 ቀን 2008 ዓ.ም ውይይት ተካሂዷል፡፡ በሚኒስቴሩ የኮንስትራክሽን ግብዓት አቅርቦት ጥናትና ድጋፍ መምሪያ ከፍተኛ ባለሙያ የሆኑት አቶ እዮብ እሳቱ እንደገለጹት የጥናቱ ዋና ዓላማ የመንግስት የቤት ግንባታ ፕሮጀክቶች የአግሮስቶን ምርት አቅርቦቶች ለመጣጣምና በአጠቃቀሙ ሂደት ያጋጠሙ ችግሮችንና መፍትሔዎችን በጥልቀት በመዳሰስ በቀጣይ ተገቢውን ምላሽ ለመስጠት ነው፡፡ የአግሮስቶን ማምረቻ ማዕከላት ከተቋቋሙበት የምርት አገልግሎት ዓላማ አንጻር ሲታይ አመራረቱ ወጥነት የሌለውና በእቅድ ያለመመራት እና የማምረቻ ማዕከላት ከአቅማቸው በታች በማምረት ላይ መገኘታቸው በተደረጉ ጥናቶች መረጋገጡን አቶ እዮብ ለተሳታፊዎች ገልጸዋል፡፡ የአግሮስቶን ጥራት ከማስጠበቅ አንጻር የካይዘን መርህ ተከትለው መተግበር፣ ከምርት አጠቃቀሞና አስተዳደር የምርት ብክነትና ለኪራይ ሰብሳቢነት ረገድ ከመንግስት ፕሮጀክቶች የሚተርፋ ከ35 – 40 በመቶ የሚሆነው ምርት ለግሉ ግንባታ ዘርፍ ተደራሽ መሆን እንደሚገባው ባለሙያው አብራርተዋል፡፡ የቀረበው የጥናት ሰነድ እንደሚያሳው በሀገራችን የተቋቋሙት ስምንቱም የአግሮስቶን ማረቻ ማዕከላት በሙሉ አቅማቸው በዓመት ማምረት ሚችሉት 1 ሚሊዮን 486 ሺህ 164 ሲሆን አጠቃላይ ቤቶች ልማት ግንባታ ፕሮጀክቶች ዓመታዊ የአግሮስቶን ምርቶች አቅርቦት ፍላጎተር መተን 1 ሚሊዮን 96 ሺህ 460 ነው፡፡ ይህ አቅርቦት በአማካይ የፍላጎቱ 135 በመቶ ነው፡፡ ከዚህ መረጃ ለመረዳት እንደሚቻለው ማዕከላቱ ለመንግስት ቤቶች ልማት ፕሮጀክቶች የአግሮስቶን ምርት ፍላጎት በአስተማማኝ ደረጃ አምርቶ ማቅረብ የሚችሉ መሆኑን ለማረጋገጥ የተቻለ ሲሆን ከዚህ በፊት የነበረው ፍላጎት ዝቅ ያለበት ምክንያት የዩኒቨርስቲዎችና ስኳር ፋብሪካ ቤት ግንባታ ፕሮጀክቶች መጠናቀቁ ለቤቶች ልማት ፕሮግራሞች ብቻ አግሮስቶን ምርት አቅርቦት ፍላጎት በበቂ ደረጃ ማሟላት ይቻላል፡፡ የገበያ ትስስሩ የላላ መሆን፣ ስለአግሮስቶን ምርቶች የቤት ደንበኞች ግንዛቤ ዝቅተኛ መሆኑንና የባለድርሻ አካላት ተቀናጅተው ያለመስራት፣ የማሽነሪና የመለዋወጫ እጥረት፣ የሰለጠነ ሰው ሃይል አለመኖርና የምርቶቹን ግብኣት በተፈለገው ጊዜና መጠን ማግኘት አለመቻል የምርት መጠኑ ከዚህ ከፍ ለማድረግ ተግዳሮቶች መሆናቸውን ጥናቱ ያሳያል፡፡